အရံလူ
“ဟာ . . . မင်းဟာကလည်းကွာ“
ကျွန်တော့်သူငယ်ချင်းက ပေါက်ပြီးထအော်သည်။
“ အဓိပါယ်မရှိဘူးကွ သူ့ ဘာသာသူ ဘယ် . . .“
“ဟေ့ကောင်တောပြီကွာ ဆက်မပြောနဲ့ တော့“
သူဆက်ပြောမည့်စကားကို ကျွန်တော် ဆက်နားမထောင်ချင်တော့။ လ္ဘက်ရည်ဆိုင်က သီချင်းသံ ပျံလွင့်လာသည်။ ကျွန်တော်မှိုင်ကျသွားသည်။ ဘေးကသူငယ်ချင်းဘာပြောသည်။ ပတ်ဝန်းကျင်မှ အသံများ၊ ဘာမှမသိတော့။ နားထဲမှာ သီချင်းစာသားတွေနဲ့ အတူ . .
´´ ရင်ထဲက ကိုယ့်ရဲ့ ဝေဒနာ ဘယ်လိုပဲ ဖြစ်ပါစေ . . မြိုသိပ်ပြီးသိမ်းထားလိုက်ပါမယ် . .
နေပါစေတော့ မင်းလေးကို ကိုယ်ဘယ်လောက်ချစ်တာ . . .´´
´´ဟေ့ကောင် ငါပြောနေတယ်လေကွာ´´
သူငယ်ချင်းက ကျွန်တော်ဖြစ်နေပုံကို မကြိုက်။
“စိတ်မြန်တယ်၊ ပြတ်သားတယ်၊ ငါသိထားတာ ဒီလိုပါကွ အခုတော့မင်းဟာက သူ့မှာ . . ´´
´´တော်ပြီလို့ပြောနေတယ်ကွာ´´
´´ဟေ့ကောင်တွေ မင်းတို့နှစ်ယောက်ဘာဖြစ်နေတာလဲ´´
မောင်မောင်နှင့် ကိုကျော်နှစ်ယောက် ထိုင်ခုံလွတ်နှစ်ခုကို ၀င်ထိုင်ရင်းပြောသည်။
´´ . . . .´´
လေပြေကတစ်ချက်ချက်ဝှေ့လာသည်။ သဘာဝ၏လေပြေမဟုတ်။ အင်းယားရေပြင်ပေါ်မှ အေးမြသော လေပြေမဟုတ်။ ဖြတ်သွားသော Bus ကား၏ ပူအိုက်ညစ်ထွေးသောလေပြေကို ကျွန်တော် မကြိုက်ပါ။ မြို့ထဲမှာ လဘ္ဘရည်ဆိုင်ထိုင်ရတာ။ Bus ကားစီးရတာ။ ကျွန်တော် မကြိုက်ပါ။ အနားကို အဘွားအိုကြီး တစ်ယောက် ကားခမရှိလို့ လာတောင်းသည်။ အကြွေ ငါးဆယ်ထည့်လိုက်သည်။ ကျွန်တော်မကြိုက်ပါ။
´´မင်းနားလည်ရင် ကိုယ့်စိတ်မှာ ကြေနပ်ပြီ . . . . .´´
ချစ်သူသည် လေမတိုက်သောနေရာတွင်ထိုင်နေသည်။ ဆူညံသံတို့အပြည့်။ အဘွားအိုကြီးတစ်ယောက် ညီးနေသလို။ လေထုသည် မည်သူ့ကိုမှ အားမပေး။ နေပူနေရာမှ ရုတ်တရက် မိုးသားတွေ မည်းတက်လာသည်။ သိပ်မကြာ သည်းကြီးမည်းကြီးရွာချသည်။ ကျွန်တော် မိုးရွာသီကို ကြိုက်သည်။ မိုးရွာထဲမှာ ဘောလုံးကန်ရတာ။ ပြေးရတာ။ အော်ရတာ။ ချမ်းလာရင် ကော်ဖီတစ်ခွက်နှင့် စောင်ထဲတွင် ကွေးပြီး စာဖတ်ရတာ။ ဒါကျွန်တော့ငယ်ဘ၀ တစ်စိတ် တစ်ပိုင်းလည်းဖြစ်သည်။ အခုလည်း . . .
´´၀င်းထက် မင်းဘာတွေ တွေးနေတာလည်း´´
မောင်မောင်က ပခုံးကိုလာပုတ်သည်
´´see“
ဒါကို အစောကတည်းမကြေနပ်သော ကျော်စံက ပခုံးနှစ်ဖက်ကိုတွန့်ပြီး တွေ့လားဆိုတဲ့ အထားနဲ့ ပြောသည်။ ကျွန်တော်ဂရုမစိုက်။ ဘေးနားမှာ ခေတ်မှီသော၊ ခေတ်ရှေ့ပြေးသော ဆယ်ကျော်တစ်သိုက် ဖြတ်သွားသည်။ စကားလွှဲဖို့ ကြိုးစားနေသော ကိုကျော်က ´´လန်းတယ်ကွာ´´
´´ရွှေအိုရောင်လေးကပိုမိုက်တယ်ကွ´´
မောင်မောင်က အားရပါးရပြုံးပြီး ပြောသည်။
´´ဟေ့ကောင် ၀င်းထက် မင်းမေ့လိုက်တော့ကွာ၊ တွေ့လား ပတ်ပတ်စက်စက်လှတာ။ အများကြီးပါကွာ´´ ကျော်စံ၏စကား။
´´. . . .´
´´စကားပြောအုံးလေကွာ´´
ကျွန်တောမကြိုက်ပါ။ နုတ်ခမ်းနီဆိုးထားသောကောင်မလေးကို ကျွန်တော်မကြိုက်ပါ။ ခေတ်ပေါ်နှင့် ပေါ်ခေတ် မသိသောမိန်းကလေးကို အမြင်ကတ်သည်။ သဘာဝမှာပင်ကိုအစွမ်းရှိသည်ဟု ကျွန်တော် ယုံကြည်သည်။ မိန်းကလေးတစ်ယောက်လှသည့်အလှသည် ဘိုမရုပ်တစ်ရုပ်ကိုထိုင်ကြည့်ရသလိုဆိုလျှင် ကျွန်တော့်နှလုံးသားကို ရောင်းပြီး ရွှေတဂုံဘုရားကို ရွှေချပြစ်မည်။
´´ကိုယ်အစွမ်းကို ကိုယ်မသိတဲ့၊ ကိုယ်အစွမ်းကိုဖျက်ဆီးပစ်တက်တဲ့ မိန်းမကို ဘယ်တော့မှ မျက်စောင်း နည့်တောင် မထိုးဘူးကွ´´
လေးလေးနက်ထွက်လာသော ကျွန်တော့်၏စကားကို သူငယ်ချင်းတွေ ကြောင်ပြီး ကြည့်နေသည်။
´လက်သည်းနီဆိုးတဲ့ မိန်းကလေး၊ တစ်ချိန်လုံးအလှပြင်ဖို့ပဲ စဉ်းစားနေတဲ့ မိန်းကလေးက အလကားပဲကွ´´
´ဒါ မင်း သက်သက် တယူသန်တာပါကွာ၊ မိန်းကလေးပဲ လှချင်လို့ဆိုးတာ ဘာဖြစ်လဲ´´ ကိုကျော်က ကျွန်တော့်အဆိုကို ကန့်ကွတ်သည်။
´ဒါကို ငါလက်ခံပါတယ်၊ ငါဆိုလိုတာက လွန်လွန်းတာကိုပြောတာ။ ဟေ့ကောင် ဒီမှာ လေကကြီးမှာ ဘယ်ပန်းမှ အလှမပြင်ဘူးကွ မင်းသိလား။ ဒါပေမယ့် လှတယ်နော်။ လူတွေတောင်မကဘူး ပိုးမွှားလေးတွေတောင် မိန်းမောရတဲ့အထိကွသိလား။ ငါတို့ယောက်ျားတွေ မှီခိုမှုကင်းတာ၊ ခေါင်းဆောင်နိုင်တာတွေ အဲဒီအချက်တွေလည်းပါတယ်ကွ။ အရောင်မှာ ပင်ကို စွမ်းရည်ရှိတယ်။ အဲလိုပဲ အမေမွေးကတည်းပါတဲ့ ငါတို့အရောင်မှာလည်း ကိုယ်ပိုင် အစွမ်းရှိတယ်ကွ။ ငါတို့နက်မှောင်တဲ့ဆံပင်၊ စူးရှတဲ့မျက်ဝန်း၊ ပန်းရောင်သန်းတဲ့လက်သည်းခွံ ဒါတွေပေါ့ကွ´´
´ဟား ဟား၊ ဒါတော့ငါလက်မခံဘူးဟေ့ကောင်။ အခုခေတ်က ယောက်ျားလေးလည်း လက်သည်းနီဆိုး တာပဲ၊ နားကပ်ဝတ်တယ်၊ ဆံပင်ဆိုးတယ်´
´ဒါကြောင့် အခြောက်တွေပေါတာပေါ့` ကျွန်တောစကားကို ကျော်စံ ဇပ်ပုသွားသည်။
`ဘုရင့်နောင် လည်သည်းနီမဆိုးဘူး၊ ဗိုလ်ချုပ် နုပ်ခမ်းမခြယ်ဘူး၊ နောက်ဆုံးကွာ Bill Gate ကွာ ဘာမှာမခြယ်ဘူး သူ့အစွမ်းကိုခြယ်တယ်ကွ` ဟုတ်ဟုတ်မဟုတ် ပတ်ကိုရမ်းပြစ်လိုက်သည်။ အကုန်လုံး ငြိမ်ကုန်ကြသည်။ သီအိုရီတွေအကုန်ထုတ်ပြစ်လိုက်သည်။ ကျွန်တော့် ခေါင်းထဲတွင်ဘာမှ မရှိတော့တဲ့အထိ ကျွန်တော်ထုတ်ပြစ်သည်။ လက်ရွေးစင်ရဲ့ ကော်ဖီနံ သင်းပျံလာသည်။ လေပြေအေးအေးလေးကို ကျွန်တော်ခံစားမိသည်။ မိုးကဖွဲဖွဲလည်းကျတုန်း။ လူငယ်ဘ၀က အရောင်စုံသည်။ ကျွန်တော့်သူငယ်ချင်းတွေလည်းအရောင်စုံသည်။ သို့သော် ကိုယ့်အနာဂတ်အတွက် အရောင်ကို ကိုယ်တိုင်ခြယ်ကြမည့် လူငယ်တွေဖြစ်သည်။ ထိုအရောင်သည် ကိုယ်ပိုင်အရောင်။ ကျွန်တော်တို့မှာ ကိုယ်ပိုင်အစွမ်းရှိသည်၊ ကိုယ့်ကိုကိုယ်ယုံကြည်ချက်ရှိသည်။ ဒီလို သူငယ်ချင်းတွေ ငြင်းခုန်တက်ကြပေမယ့်။ ထိုအတွက် မိမိဘ၀ကို ဖျက်ဆီးမည့်သူ တစ်ယောက်မှမပါ။ လူငယ်တွေဖြစ်သည့်အလျောက် နှလုံးသားခံစားချက်ကိုယ်စီရှိကြသည်။ မနစ်မြော မနှစ်မြုပ်။ ဘ၀ကို ပုံဖော်တဲ့နေရာမှာ မထည့်သွင်း။ ကျွန်တော့်မှာလည်း ကျွန်တော်ချစ်တဲ့သူတစ်ယောက်ရှိသည်။ ကျွန်တော့် အိမ်မက်ထဲက အရောင်တွေနဲ့မင်းသမီးလေးပေါ့။ အပြင်အဆင်မရှိ သဘာဝ၏ ပန်းလေးလိုလှသည်။ ကျွန်တော့်ကို အားပေးသည်။ ထောက်ပံသည်။ နားလည်သည်။ တကယ်တော့် ထိုပန်းသည် သူ့အခိုင်နဲ့သူ လှပနေပါသည်။ ပျော်နေပါသည်။ အရောင်တွေသည်အိမ်မက်ထဲမှာပါပဲလေ။ အရောင်တစ်ချိ့သာ လင်းလက်လာသည်။ အမေ အဖေ၊ ညီမလေးတွေနှင့် ကျွန်တော့ပတ်ဝန်းကျင် ထဲတွင်ဖြစ်သည်။ ထိုအရောင်တွေသည်တောက်ပလွန်းသည်။ ရုပ်တရက် မျက်လုံးကျိန်းသွားသည်အထိ လင်းလက်သည် တောက်ပသည်။ သို့သော် အေးမြသည်။ ခွန်အားရှိသည်။ ထိုအရောင်ကို ကျွန်တော် ထိန်သိမ်းမည်။ တောက်ပစေမည်။
အာရုဏ်ဦး နေခြည်သွေး
နံနက်ခင်း လေပြေမှာ
ရေခြည်ဖြာ မိုးဥတု
မြေသင်းနံ အအေးဓာတ်ကို ငါရတယ်
အရှေ့ရပ်မှာ
ဝါ၊ ဖြူ၊ ပြာ၊ နီ ရောင်စဉ်တန်း
ငါ့လျှောက်တဲ့လမ်းပေါ် ဖြာအကျ
ယုံကြည်ချက် လေပြေကို ငါရတယ်
ငါရတယ် အပြုံးနုနုလေးကို
ငါရတယ် စိတ်ကူးချိုချိုတွေကို
ငါရတယ် မိုးစက်လေးတွေကို
တစ်ခုပဲ
ငါမရဘူး စူးရှတဲ့မင်းအကြည့်
ငါတမ်းတရင်း ဆက်လှမ်းနေမယ် . . .
